ტიტიუს კუნძულზე წასული პროფესორი უცნაურ კვერცხს ნახავს, იქედან დინოზავრი იმპი გამოიჩეკება, რომელსაც მაშინვე შეიყვარებენ ადამიანებიც და ცხოველებიც. მალე კუნძულზე მომხიბვლელი პანდა ბაბუ გამოჩნდება. იმპი მოიწყენს, რადგან ჰგონია, რომ მეგობრებს ის აღარ ეყვარებათ. პატარა დინოზავრი დიდ მოგზაურობაში მიდის, მისი მიზანია გრანდიოზული გასართობი ცენტრის მსახიობი გახდეს. მან ჯერ კიდევ არ იცის, რომ იქ სერიოზული გამოცდა ელოდება. თუმცა, პანდა ბაბუ და მისი მეგობრები პატარა იმპის ბედის ანაბარა არ მიატოვებენ და მასთან ერთად ახალ თავბრუდამხვევ თავგადასავლებში ეშვებიან.

პატარა ჩრდილოელი ირემი სახელად ნიკო სანტას მფრინავ მარხილში მოხვედრაზე ოცნებობს. ყველაფერი კარგად იქნებოდა, მაგრამ წინ რთული ამოცანაა. ნიკოს სიმაღლის საოცრად ეშინია. მაგრამ სურვილი ძლიერია და მან შიშს უნდა სძლიოს.

ერთ მშვენიერ დილას, გაზაფხულის მზით გამთბარ მინდორზე პატარა ირემი იბადება. მის სანახავად ტყის ყველა ბინადარი მოდის. პატარას ბემბის არქმევენ...

პროფესორი - იულიუს კელი წამალს გამოიგონებს, რომელსაც ადამიანის მთლიანად შეცვლა შეუძლია. ერთ მშვენიერ დღეს მისი საყვარელი შვილიშვილი მიაგნებს ამ წამალს და მისი გამანადგურებელი თვისების დემონსტრაციაც მოხდება.

სასახლეში ცხოვრება ოცნებას გავს. დილიდან საღამომდე, სასახლის ყველა ბინადარი მხოლოდ და მხოლოდ იმას აკეთებს, რომ არაფერს არ აკეთებს... იმპერატორი ფრანცი და მისი მეუღლე ლიზი, სახელმწიფოს ყველაზე მდიდარი ადამიანები არიან. მათ სამეფოში ყველა მხიარული და კმაყოფილია... მაგრამ ერთხელაც ლიზის იტაცებენ...

ჰალკის მძაფრსიუჯეტიანი თავგადასავლები გრძელდება. ჰალკი იჭრება კანადის დაუსახლებელი ტერიტორიაზე... მის უკან მხოლოდ ნანგრევების კვალი რჩება... მისი შეჩერება მხოლოდ ერთ ადამიანს შეუძლია...

ეს მულტფილმი სამი არსების ამბავს მოგვითხრობს, რომლებიც საერთოდ არ ჰგვანან მთავარ გმირებს. თაგვი – რომელსაც თაგვების ჭამას წიგნების კითხვა ურჩევნია. ვირთხა – რომელიც ინტრიგებს ხლართავს, რათა სამუდამოდ დატოვოს ნესტიანი საპყრობილე... და დიდი ყურებიანი გოგონა – რომელსაც ბედისწერა პრინცესას ამოუცნობ გზებს დაუკავშირებს...

უკვე ათეული წლებია, რაც კატა ტომი და თაგვი ჯერი უამრავი ბავშვის საყვარელი მულტფილმი გახდა. მას სიამოვნებით უყურებენ მათი მშობლებიც. ანიმაციური კინოს ყველაზე სასაცილო გმირები ბრუნდებიან და მათი საოცარი თავგადასავლები გრძელდება.

გაიცანით ცეროდენა. ეს პატარა არსება, მეგობრებთან ერთად, ფერად–ფერადი ყვავილებით მორთულ ჯადოსნურ სამყაროში ცხოვრობს, რომელსაც თვილერბი ჰქვია. განებივრებული გოგონას – მაკენას კაპრიზის შესრულების შემდეგ კი ცეროდენა თავის მეგობრებთან ერთად ქალაქის ერთ მდიდრულ ოთახში ხვდება, სადაც იგებს, რომ მის საყვარელ ქვეყანას განადგურება ემუქრება. ცეროდენა საშველად ბუნების მაგიას უხმობს და ცდილობს დაამტკიცოს, რომ ამქვეყნად ყველაზე ციცქნა არსებასაც შეუძლია სამყაროს შეცვლა.

ანიმაციური სტუდია "პიქსარის" მიერ შექმნილი მოკლე ანიმაციური ფილმების კოლექცია.